Shughuli za kitaifa

Tangu kufunguliwa, mwezi wa tano 1989, hospitali ina idadi kubwa ya watumishi (madaktari bingwa na wasaidizi) ambao husaidia hospitali kwa utaalamu na uwezo wao. Misingi ya hali hiyo ya kusaidiana katika kutoa huduma imewekwa tangu miaka ya mwanzo wa hospitali kwa kiwango kikubwa cha kuwafundisha watumishi. Kwa sasa karibu kila mwajiriwa wa hospitali ya Mt. Gaspari ni mzalendo.
Kwa sasa kitu muhimu ni ushirikiano kati ya watanzania na Hospitali ya watoto ya “Bambin Gesu” iliyopo huko Roma, Italia. Hospitali hii huitwa “hospitali ya kipapa” ambayo ni hospitali maarufu kimataifa kwa matibabu ya watoto, na uchunguzi wa kina katika magonjwa ya watoto. Kwa sababu hiyo, kwa sasa pameweka makubaliano rasmi ya ushirikiano kati ya hospitali yetu na hospitali ya “Bambin Gesu”. Wameungana kwa mitazamo inayofanana katika usalama na afya za watoto. Wameamua kushirikiana ili kuleta uwepo wa haki ya kupata matibabu bora ya ya kisayansi na kwa utaalamu wa hali ya juu. Makubaliano yanaonesha kwamba miaka mitatu ijayo hizi hospitali mbili zitafanya kazi pamoja katika utekelezaji wa mradi huu wa ushirikiano unaotazamiwa kuimarisha matumaini kwa watoto wengi.
Kipekee, watumishi wa hospitali ya “Bambin Gesu” watafundisha watumishi wa hospitali ya Mt. Gaspari katika utaalamu makovu katika mwili yatonayo na majeraha ya moto na pia kurekebisha baadhi ya vilema vya kuzaliwa navyo kama vile midomo sungura na kadhalika. Huduma hii kitaalamu huitwa “plastic surgery”. Pia watatoa msaada katika kusoma na kutafsiri picha za mionzi na za ultrasound
Makubaliano hayo yamefanywa ili kufikia lengo la kufundisha na kuimarisha utaalamu na uwezo wa watumishi katika kuwahudumia watoto na kisha kuimarisha mazingira ya hospitali kwa ujumla. Madaktari kutoka Italia watakaribishwa katika hospitali ya Mtakatifu Gaspari, na shirika litawahudumia kipindi chote cha utume wao.