Mradi wa Telemedicine unahusisha mawailiano kati ya madaktari kwa njia ya mtandao wakijadilina na kupeana ushauri katika kuchunguza na kumtibu mgonjwa.
Hii njia inaweza kusaidia kutoa tafsiri sahihi ya vipimo na kutoa matibabu stahiki kwa mgonjwa, hasa pale panapokuwa na utata. Mradi huu wa telemedicine ni mmoja wapo katika mbinu za kisasa za mawasiliano kati ya madaktari au mahospitali, ulioanzishwa katika hospitali ya Mt. Gaspari iliyopo Itigi. Mradi huu umefanikiwa kwa ushirikiano na makubaliano na shirika lisilo la kiserikali la GHT Onlus. Faida ya mradi huu itakuwa katika nyanja mbili. Mosi, wagonjwa wataweza kupata haraka majibu sahihi ya vipimo vyao na watapata matibabu stahiki. Pili, madaktari na wauguzi wa hospitali ya Mt. Gaspari watapata nafasi ya kujifunza na kupanua maarifa yao wakati wakishauriana na wataalam wenzao nje ya nchi. Huduma hii inapatikana muda wote hapa hospitalini.