idara yetu

Wodi ya uzazi imejikita katika maswala ya uzazi na magonjwa ya kike, na ina uwezo wa kutoa huduma kwa mama na mtoto anapokuja hospitalini kwa matatizo ya uja uzito au kujifungua. Wodi ina jumla ya vitanda vya kawaida 36.
Sehemu ya kujifungulia ina vitanda vinne vya kuangalia mwenendo wa uchungu na vitanda viwili vya kujifungulia. Vitanda vingine vinane ni kwa ajili ya magonjwa ya kike mbali na uzazi.
Madaktari mara nyingi hujikuta wakitoa huduma tofauti tofauti au za dharura zinazoendana na hali ya uja uzito kama vile kifafa cha mimba, maambukizi (sepsis) uzazi pingamizi,upungufu mkubwa wa damu na matumizi ya dawa za asili.
Kwa zaidi ya miaka 30 wodi ya uzazi imekuwa wodi kimkakati katika hospitali yetu. Vifo vya kina mama na watoto vimepungua kwa kwa asilimia 80 katika miaka mitano iliyopita.
Maendeleo mengi yamefanyika, japo bado kuna mahitaji makubwa ya maboresho.